Triangle(-di-làrgi-fru)
Bolboschoenus laticarpus
Cyperaceae
Àutri noum : Liandro, Triangle.
Noms en français : Scirpe à fruits larges, Souchet à fruits larges.
Descripcioun :Aquéu triangle dóu gènre Bolboschoenus (planto nousado emé de lòngui fueio) trachis dins li canau, roubino e li limoun de ribiero. Fai gaire qu'es esta destria dóu triangle-marin en raport emé la formo de la grano qu'es eici mai larjo. Subretout vèn pas dins li relarg mounte i'a de sau au contro dóu marin. Lis espigo soun mai longo eici. Èi pu tihous de faire la diferènci emé Bolboschoenus glaucus ; pèr acò fau regarda la formo de la grano e l'espessour de l'"exocarpus" (pu grando eici). Coumpara emé lou triangle-verdau que ié sèmblo proun.
Usanço :Se pòu gaubeja pèr la banastarié, mai avèn ges d'entresigne precis. Escriéure au site se n'en sabès mai. Li canard e lis auco manjon si boudougno.
Port : Grando erbo
Taio : 1 à 2 m
Fueio : costo paralèlo
Tipe bioulougico : Geoufite
Cicle bioulougico : Planto renadivo
Gènre : Bolboschoenus
Famiho : Cyperaceae
Ordre : Poales
Coulour de la flour :
Brunello
Petalo : ges
Ø (o loungour) enflourejado : 1 à 4 cm
Flourido : Printèms
- Estiéu
Sòu : Ca
Autour basso e auto : 0 à 900 m
Aparado : Noun
Mai à setèmbre
Liò : Ribiero
- Roubino
- Canau
Estànci : Termoumediterran à Mesoumediterran
Couroulougi : Paleousubretroupicalo
Ref. sc. : Bolboschoenus laticarpus Marhold, Hroudová, Duchácek & Zákr
Marsoulaio
Centaurea uniflora
Asteraceae Compositae
Àutri noum : Marsoulau, Chabasouol.
Nom en français : Centaurée à un capitule.
Descripcioun :Marsoulaio èi lou noum generi pèr Centaurea dins la Tiniò (J.-L. Domenge in LMT, op.cit. p. 58 ), valènt à dire qu'èi pas lou noum especifique de Centaurea uniflora. Aquesto d'aqui es uno planto coumuno que trachis dins li pelouso e li melouniero claro de mountagno. Se recounèis à sa grosso flour coumpausado enviróutado de fueio blanquinouso e à si bratèio di long apendice. La subsp. presentado aqui, ié dison uniflora emé de fueio proun blanquinouso e de fueio pas dentado.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Erbo
Taio : 5 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo
Gènre : Centaurea
Famiho : Asteraceae
Famiho classico : Compositae
Tribu : Cardueae
Ordre : Asterales
Coulour de la flour :
Roso
Petalo : >6
Ø (o loungour) enflourejado : 4 à 6 cm
Flourido : Printèms
- Estiéu
Sòu : Ca
Autour basso e auto : 1200 à 2400 m
Aparado : Noun
Jun à avoust
Liò : Pelouso
- Melounié
Estànci : Mountagnard à Subaupen
Couroulougi : Ouroufito-Sud-Éuropo
Ref. sc. : Centaurea uniflora Turra, 1765
